「錢」字當頭，親兄弟結婚也只是公價人情！
親子王國網民「丁家貓」的故事：夫家有十兄弟，丈夫排最細，她未結婚時，同事以羨慕語氣說：「你就抵啦！收金器都收到手軟！」
結果除了自己親姐及親兄送金鈪以外，夫家九位兄姊一律付現金人情，以公價每位500元計算。
丁家貓氣憤說：「如果佢哋家庭經濟有問題，我唔介意佢哋畀幾多，但個個都有車有樓有收入，出手咁低，嗰個係佢哋細佬嚟㗎，做公價人情，你估係普通同事、朋友咩？我話過，將來佢哋啲仔女結婚，我都會做番公價人情畀佢哋！」
「連公價人情都冇」
「mayymlam」認為：「咁做唔小器喎！禮尚往來啫！」
「chrisbb」有同感：「當年我哋結婚，老公二哥一家三口嚟齊，只係買單一隻輕飄飄嘅金鈪仔畀我，攞去金舖問過，$800唔夠，連公價人情都冇呀！」
「fa8866」：「算啦！我結婚仲搞笑，我老公個姑婆一家11口嚟飲，做$1000人情，真係笑到收唔到聲。另一個仲勁，人情開支票，但係彈票。結婚開開心心咪算囉，唔好咁介意。」
http://forum.baby-kingdom.com/viewthread.php?tid=1196999&extra=page%3D1