羅志祥（小豬）前晚喺台北巨蛋舉行演唱會，請咗莫文蔚（右）同蔡依林做表演嘉賓。小豬全晚施展渾身解數，大跳爵士、軍刀舞同椅子舞等十多種舞步，盡顯新一代舞王功架。之後小豬同莫文蔚大跳火辣拉丁舞，雙手喺莫文蔚嘅身軀游走，令全場嘩然。然後佢又同緋聞女友蔡依林合唱一曲《天空》，令台下fans瘋狂。