無綫《萬千星輝賀台慶》今晚在將軍澳電視廣播城舉行，司儀汪明荃、鄭裕玲（嘟嘟）、曾志偉、崔建邦及王貽興等，昨齊聚廠內進行拜神儀式。曾志偉表示前夜看到肥姐沈殿霞亮相台慶頒獎禮時，一度哭出來，他說：「非常感動，好嬲自己唔喺度，睇電視都喊到死，好想同肥姐講好多人陪住佢打呢場仗，希望佢會贏，今次佢鬥志贏所有嘢，全部人都幫佢打氣。」
阿姐心情平靜
鄭裕玲和汪明荃前晚在頒獎禮上見到肥姐時，鄭裕玲曾感觸落淚，她說：「大家多年同事，我平時都好堅強，做司儀咁樣都係第一次，希望肥姐身體健康，噚晚嘅場面唔識都會好感動，但作為司儀真係唔應該咁，冇辦法，忍得好辛苦，係真性情。」相反汪明荃則表現平靜，她說：「因為我之前已經見過肥姐，噚晚都傷感肉赤，但病冇辦法。」
採訪：卓寶花
攝影：林德雄