全球股市近期可以風雲色變來形容，莫講炒股，買基金亦不見得好過。稍前星俠提及曾到過大陸，與同胞散戶們談起炒股之道，其實尚有下文。話說當中有位師奶大吐苦水，事緣她眼見港股「大龍鳳」場面如此精采，一聽見有QDII基金發行可認購之後，立即飛撲而入，但玩未夠3個月，該隻基金已跌穿面值錄得虧損，她霎時花容失色，唔知點算。
雖然星俠有時都幾寸，不過都係將該隻基金姑諱其名，當刻星俠講了句「QDII原來真係KillD師奶！」之餘，惟有言不由衷地加兩句基金旨在長線，回報不在乎朝夕之類的安慰說話，希望該位師奶能釋懷。
近期表現相對強勢
女人最鍾意扮靚，如果投資未如意，大可買些少化妝品令自己開心。最近打算分拆在內地銷售中高檔護膚及化妝品「真優美」上市的高寶綠色（274），股價表現相對唔算差，目前正在造旗，待整固完成後，有機會藉分拆炒上。
真優美旗下品牌為法國曼詩貝丹（MB），在內地的銷售網點預期明年目標將增至逾1700個，側聞是次分拆真優美在主板上市，集資最多17.3億元，預期高寶可從中錄得最多11億元收益，股價近期相對強勢並非無因。高寶股價近兩個月在2.60元至3.50元之間區域上落，後市只要成功升破3.60元，料可反覆上試52周高位4.46元。