郭晉安（阿旺）前日宣佈老婆歐倩怡（右）有喜，認真可喜可賀！之前怕BB小氣唔出得聲，噚日阿旺接受商台電話訪問時終於可以暢所欲言喇，開心到不得了嘅佢一口氣不停咁講，佢話「旺B」4月中出世，𠵱家佢已經好努力咁熟讀育嬰指南，仲話歐倩怡𠵱家一日要瞓15、16個鐘，仲好食得，連以前唔鍾意食嘅嘢𠵱家都唔放過㖭。