1.星期六4威爾斯vs愛爾蘭
波膽：0:1
信心指數：★★★
早前經常貼中重心卻未能取分，經編輯提點後，決定稍為調整投注策略。簡化貼士後，效果相當唔錯，希望過年前可以重返10萬分的開季水平。
歐洲國家盃外圍賽向來唔容易估邊隊輸贏，所以我勸大家，就算到出線的關鍵時刻都不宜大手落注。我在幾年前睇過一篇報道，至今仍然留畀我深刻印象。
嗰篇報道係講一個記者利用幾個球季數據，分析當球隊面臨「非勝不可」賽事同普通賽事，勝出率嘅分別。大家梗以為當去到生死關頭，球員戰意更旺盛，肯定踢高幾班波，但結果並唔係呢回事！因為得出數據證實單憑戰意根本唔可以改變實力差距。我之所以講呢番話，純粹係因為今個周末以色列主場對俄羅斯，同蘇格蘭鬥意大利兩場類似情況大戰，球迷應該審慎落注。
至於我嘅心水推介就係愛爾蘭作客小勝威爾斯。同屬D組嘅德國同捷克經已雙雙取得出線權，其餘球隊嘅比賽已經變成例行公事。不過，兩軍面子重要過一切，所以鬥志上唔使太過懷疑。
威爾斯領隊陶錫克講明，希望球隊可以攞到小組第3名，但係佢哋今場前線缺少比拿美，入球能力大減，取代佢嘅伊斯活特喺球會最近14場比賽未入過波；另一個選擇安梳爾今季喺打比郡長坐後備，可以話完全幫唔到手。後防方面，亦有加利夫巴利因傷缺陣，少咗佢啲罰球，威爾斯進攻又少一瓣選擇。
對手愛爾蘭因領隊史當頓已被炒，目前群龍無首，但勝在球隊質素佳，尤其係射手羅比堅尼，技術好之餘亦係年輕球員榜樣。喺一場欠缺星味嘅比賽入面，羅比堅尼嘅球技，可以係勝負主要因素，故作客都有條件攞足3分。
2.星期六10列斯聯vs史雲頓
波膽：3:1
信心指數：★★
列斯聯雖然被扣15分，但係目前只係落後榜首球隊5分，佢哋喺英甲可以話係大超班。列斯聯今季主場7次出擊，錄得6勝1和戰績。相反，史雲頓今季6次作客，只得1勝3和2負戰績，就算列斯聯太熱無乜肉食都要照捧。
3.星期六11奧咸vs維爾港
波膽：2:1
信心指數：★
兩隊提早上演護級大戰，目前排尾5嘅奧咸比尾2嘅維爾港多4分，兼且少踢1場，奧咸今場肯定把握主場優勢，踩多維爾港一腳。奧咸上場作客擊敗燦美爾，今場大有機會攞到今季第2個聯賽「兩連勝」。
4.星期六12修安聯vs車頓咸
波膽：2:0
信心指數：★★
目前排英甲第5位嘅修安聯主場出擊包尾嘅車頓咸，絕對係不勝無歸格局。車頓咸球會錢又冇、好波之人又冇，注定等降班，修安聯自然唔會放過搶分機會，鞏固球隊爭升班嘅優勢。
5.星期六19蘇格蘭vs意大利
波膽：0:0
信心指數：★★
意大利球壇目前「立立亂」，經過日前騷亂，球員備戰工作自然受影響。蘇格蘭最近行運一條龍，國家隊兩勝法國，最近又奪得英聯邦運動會主辦權，國內喜氣洋洋，但我仍然睇好意大利可以守和蘇格蘭，打斷蘇軍外圍賽主場長勝紀錄。
6.星期六31北愛爾蘭vs丹麥
波膽：1:2
信心指數：★
雙方喺數字上仍然有機會爭出線，所以呢場波大家都以3分作為目標。北愛爾蘭起初係威係勢，可惜自從領隊山齊士離開後，球隊戰績一落千丈，球員士氣亦好似洩氣皮球，所以北愛今場就算有主場之利，我都係睇好客隊丹麥。
註：以5★為最高
「超級貼士」周末推介（11月份）
主客和：星期六4愛爾蘭勝（2.38）@500
主客和3x1：
星期六10列斯聯勝（1.53）x
星期六12修安聯勝（1.57）x
星期六19蘇格蘭和（3.1）@300
全日投注：800分
上次賺蝕：+1,905分
累計結餘：92,958分
規則：全季底分為100,000分，每次最多投注2,000分，以周二及周六見報貼士計。
譚拔士
5屆香港神射手，在效力南華及東方合共射入超過200球，被譽為歷來最佳外援中鋒；現於英國skybet任公關主任及足球博彩節目主持。
電郵：mailto:[email protected]