鍾鎮濤（阿B）同太太范姜以及女兒鍾懿噚日喺北京出席「鍾鎮濤弱視兒童基金會記者會」，席上播放早排阿B去湖南探訪嘅片段，有弱視兒童更喺片段中分享做手術嘅經歷，令台下嘅范姜忍唔住喊。阿B話今次帶鍾懿出席，係希望佢由細個開始去體驗，不過小B女前日上機前至發覺回鄉卡過期，要范姜帶佢去續證，搞到遲咗兩班機。