徐子珊（右）同曹敏莉噚日去咗佐敦金至尊，為出席無綫舉行嘅《萬千星輝賀台慶》試戴過千萬首飾，子珊仲話戴咗鑽飾之後信心都大啲，佢仲話：「近排成日去試衫同去試鑽飾，都有好多人支持我，令到我更加有信心，希望到時唔會令大家失望。」至於曹敏莉近日為台慶練舞，點知觸傷舊患，仲懷疑肋骨有少少微裂㖭！