臨近政壇選舉，呢輪喺街度見到最多嘅，係各大候選人大頭相嘅橫額。我對政治冇興趣，但對呢啲橫額有啲，點解？因為我鍾意睇埋蘇師傅呢類嘅書，學人預測吓呢啲候選人以相學嚟講嘅當選機會。
唔係道人迷信，但總覺得做大事嘅人係有樣睇，如果唔係都唔會有「氣宇軒昂」及「眉清目秀」等四字詞！咁小人呢？據相書，小人嘅面相係眼細冇鼻樑、牙疏同眼神閃縮。另外，如果發現自己個鼻生瘡或無端端紅咗，就最好唔好賭嘞，因為咁係破財前兆。不過呢啲嘢信則有，不信則無。
講返足球，叫得做大聯盟女神，呢個禮拜日係大聯盟總決賽，當然要捧場，我嘅推介係新英倫革命可以破「二奶」宿命，擊敗衞冕嘅侯斯頓戴拿模捧盃，因為革命教練尼高近排好似氣色唔錯。
讓球：新英倫革命（平）
心得：革命要破宿命
近5場往績：輸贏贏輸輸
吾中
買嘢講名牌，但賭波一定唔會做名牌奴隸嘅大聯盟女神。