高級護膚品牌CledePeauBeaute昨日在金鐘西武宣傳旗下5,000多元一瓶的LaCreme修護霜，吸引郭秀雲、葉雅媛、何志恩、劉天蘭等到場試用。榮雪梅直認買護膚品重要過買衫，她說：「皮膚靚，着casual啲都OK，我每晚都做足護膚程序，每個月都做激光去色斑，花費？一年用唔到十萬。」
「靚就會做」
問榮雪梅可會考慮打羊胎素、人胎素？她說：「暫時唔需要，不過老咗會考慮，打botox同整容都OK，只要自己開心同靚就會做，不過𠵱家未有需要住。我覺得自己皮膚幾好，可能我由四歲開始食燕窩，底子打得好啦。」她又指母親十分貪靚，正物色整容醫生整容。
至於設計師何志恩（JohannaHo）則透露忙於其童裝系列，她說：「我個女每個款都有一件，我發現同BB換衫真係好難，所以我有啲款式似『雞泡魚衫』，好闊袍大袖，十足童裝版YohjiYamamoto。」
採訪、攝影：JessicaNgan