今周輪到國際賽登場，焦點相信不離B及E組，前者有意大利、法國及蘇格蘭3隊爭崩頭；至於E組則有港人至愛的英格蘭命懸一線，要睇同組以色列及俄羅斯戰果「做人」。不少讀者認為今周比賽戰意勝於一切，所以咪捧和波都出到線的「藍軍」！
牽牛今集提供
星期六19蘇格蘭2:1意大利（13倍）
星期六34西班牙1:1瑞典（6倍）
待定英格蘭0:0克羅地亞（待定）
國際賽買「細」輸得好慘
起底：對賭波賭馬都有心得嘅Andy，去到國際賽都要認低威，始終可以參考的數據不多，貼波時只能以戰意行先，所以之前都試過「輸得好慘」。
M：Mike 牛：牽牛 A：Andy
M：今次國際賽，有冇乜嘢投注心得？
A：我覺得國際賽比較難玩，因為統計數字的基數比較少，只能要睇球隊嘅戰意。
M：咁你覺得邊隊特別有戰意？
A：冇乜邊隊呀，我反而覺得意大利最冇戰意；既然下場對法羅群島都贏梗，所以今場一心求和，未必贏到蘇格蘭。
牛：西班牙對瑞典你又點睇？
A：我覺得呢場幾難揀，兩隊戰意都有問題，分分鐘係踢風流波。
M：咁喺國際賽入面，你又有咩投注策略？好似我朋友就會買「細」過關，因為去到呢個階段，大家都會按兵不動；你今次貼三個都係「細」波膽，今次會唔會都係咁買？
A：之前我都試過攻「細」過關，不過輸得好犀利，講真，國際賽真係好難估。
牛：咁下個禮拜嘅英格蘭對克羅地亞，你又有咩心水？
A：我擔心到時英軍已經出咗局，不過話晒主場，而且克羅地亞應該出咗線；為咗面子，英軍戰意應該高啲。
Andy貼士
星期六19蘇格蘭1:1意大利（5.5倍）
星期六34西班牙1:1瑞典（6倍）
待定英格蘭2:0克羅地亞（待定）
牽牛點睇：博下盤不如敲冷W
同意Andy觀點，意大利在關鍵大賽，都以先求不失為目標，戰意欠鮮明；既然蘇格蘭變相受讓半球，抵博，蘇軍主場威力亦有證明，冷敲其贏波出線未嘗不可。
其他讀者精采對話
阿謙：搵名宿出山救亡
牽牛：英格蘭出唔到線可唔可惜？
阿謙：一啲都唔可惜，反而畀佢入到決賽周，咁嘅表現盞累人輸錢。
牽牛：假如麥卡倫落台，你覺得邊個頂上會好啲？
阿謙：可能好似荷蘭咁，搵名宿如連尼加等教波會仲好。
Tommy：惟有軒廸克夠級數
Mike：當今有邊個領隊，有阿仙奴領隊雲格咁嘅功力？
Tommy：軒廸克囉，佢帶國家隊比較好；至於英格蘭本土領隊，冇乜邊個做得到。
牽牛：之前呼聲好高嘅艾拿廸斯，你又覺得點？
Tommy：佢始終係限米煮限飯型領隊，好難帶大牌。
阿樂：要意大利陪葬
Mike：你貼蘇格蘭贏3:2，意大利求和死守，睇嚟唔係咁易輸咁多波。
阿樂：呢場正式生死戰，蘇格蘭肯定打甩髀；我博是但一隊早入波，對攻之下先有呢個50倍波膽。
Mike：你覺得英格蘭出唔出到線呀？
阿樂：出唔到，既然英格蘭出局，我希望意大利陪葬。
盧小姐：買「雙」睇波等收錢
Mike：盧小姐，你好似係英格蘭擁躉噃。
盧小姐：係呀，所以今次盲目支持，希望就算克羅地亞放水，都想英格蘭贏番一場。
Mike：咁你有咩投注策略？
盧小姐：我自己冇賭波，不過我先生就有買開「雙」，開波已經叫糊，又可以玩足90分鐘，睇波時刺激啲。
講波有得Fun
參加即贏豐富獎品
〈蘋果波經〉現招募全港球迷，參加我們的網上足球節目《拉闊足球場》，只要透過WebCam與節目主持及嘉賓分享賭波心得，即可贏取KFC$100現金券及《英超星光15載》紀念冊一本。
有興趣參加？即上 http://soccer.atnext.com/jp/soccer
下次舉行日期：
22/11（下周四）8:00-8:40pm約定你
節目重溫︰
https://video.appledaily.com.hk/realtime/features/soccer
