廖碧兒昨日在尖沙嘴主持EmbryForm內衣店開幕儀式，同場三個外籍女模穿性感內衣示範，廖碧兒雖然以性感deepV上陣，但卻佩戴了長閃石頸鏈遮掩，認真敗筆。問到碧兒會否以「勝利乳溝」低V戰衣賀台慶，她笑言：「要到時睇吓件衫可唔可以配合到件珠寶。」問到她出戰台慶有否信心，廖碧兒說：「順其自然啦，拎唔到獎咪等多一年囉，其實大家都賀台慶啫，咪當去一晚着得靚靚哋囉。」
嘉穎提早認輸
此外，鄭嘉穎前晚出席意大利男裝Brioni開幕禮，半小時揀了$85,000西裝，問他是否做台慶戰衣？他即說：「有少少遺憾，因為兩星期前confirm咗其他品牌。」台慶臨近，有沒有信心成為視帝？他說：「今年冇乜刺激，都係陳豪啦，女角就係司棋姐。」是否提早認輸？鄭嘉穎說：「係呀，今年自己成績一般，反應好就得啦，𠵱家追求反應多過獎項。」
採訪：梁錦雯、顏英儀
攝影：陳慧安