百無聊賴翻開娛樂版，喜見林嘉華扮完黃飛鴻，出年又有劇上。欣賞林嘉華，同佢演技、樣貌無關，只因佢當年做體育主持入晒屋，好似我呢啲三張以上嘅麻甩佬，邊個未睇過佢做體育節目？
記得84年奧運中美女排決賽直播，忽然插播拳擊，華哥同觀眾一條心，大嗌「拜託是但一個快啲瞓低」，分勝負後又話「恭喜恭喜，咪阻住我哋睇波。」主持唔一定客觀，入到屋先成功，希望明年奧運佢再做主持嘅傳聞係真啦。
講番貼士，盡量避愛隊，貼和波都有着數嘅挪威贏唔到土耳其。
讓球：土耳其（下）
心得：挪威唔使贏，捧對家
近5場往績：輸走贏輸贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。