相繼患上肺病的來伯夫婦，早前因家中電費飆升而將疑耗電大增的二手雪櫃扔掉，以致新居無雪櫃冷藏食物。在蘋果日報慈善基金協助下，日前兩老已收到一部全新雪櫃，可繼續享用新鮮食物，解決了生活上一大頭痛事。
「以前要日日去買餸，𠵱家有咗雪櫃，可以隔日去，慳番唔少車錢同時間。」70歲的來伯棄掉舊雪櫃後，便將吃剩餸菜放在鍋內保存，容易變壞。當他收到新雪櫃，笑逐顏開：「個雪櫃夠大，好好用，真係多謝晒啲善心人士幫忙。」
盼望老妻早日康復
有見舊雪櫃每期耗電800多元，為謹慎起見，來伯收到新雪櫃後每日檢查用電量，「我每日都會查個電錶，新雪櫃操作正常，估計每個月幾十蚊電費。」來伯笑言，新雪櫃為他冷藏食物外，更幫他省回電費。
解決雪櫃的煩惱後，來伯又要憂心剛被驗出患有肺病的老妻。「詳細檢驗結果要過幾日先有，𠵱家只係知佢個肺有黑點，未知係乜病。呢幾個月惟有帶佢返大陸睇中醫，使咗幾千蚊，𠵱家佢咳少咗同埋冇乜痰。」來伯擔心妻子未來可能要支出高昂醫藥費，現時惟有「慳得就慳」，他寄望妻子病情不要惡化，並早日康復，兩老才可安穩地共度餘生。
捐款編號：C2436