上個禮拜經歷咗一段黑暗期，樣樣都唔順，所以趁住放幾日假走去外出行吓，希望打個白鴿轉返到香港後，可以轉番個大運啦！
講開呢期黑仔，其實英甲嘅列斯聯同我都可以話不相上下，開季勇不可擋之後近排就沉寂咗，接連喺盃賽失利，所以諗起呢班波都有唔少共鳴，都係嗰句，希望隔咗幾日大家都可以齊齊反底，行番個大運。
今晚佢哋未受國際賽影響英甲照打，而且仲係主場，雖然話佢哋啱啱喺英錦標賽被打破主場不敗身，但始終聯賽都仲係不敗，所以今仗一於撐列斯聯反底；單W我就唔推介嘞，因為唔係咁啱我以小博大嘅作風，二點五倍「主勝」啦，而且波膽仲可吼實贏三比○同三比一！信我就跟啦！
波膽：列斯聯勝3:0、3:1
心得：同病相憐齊齊反底
近5場往績：輸輸贏贏贏
賴恩
以小博大，務求打破上季命中逾千倍波膽過關紀錄！續拒雞肋回報！