老馮、張雨綺唱K調笑「錫佢好正常」

老馮、張雨綺唱K調笑「錫佢好正常」

【上海直擊】馮德倫執導的電影《跳出去》已在上海拍竣,為慶祝煞科,大夥兒到了一間吃避風塘美食的餐廳慶功。老馮對女主角張雨綺特別細心和殷勤,離開餐廳時兩人還扯着大笑,表現親密,昨日他直認很錫張雨綺。

由周星馳監製,馮德倫、陳冠希與張雨綺主演的電影《跳出去》在上海拍攝期間,為了讓工作人員可以放鬆下來,老馮經常在收工後大搞聯誼活動,女主角張雨綺也經常參與,不知是否日久相處,終於培養出非一般感情。

笑笑口心情靚

較早前馮德倫相約劇組人員去復興公園錢櫃卡拉OK狂歡,他抵達現場不久,張雨綺便到達,一行人唱到凌晨才離開,未知是否要避嫌,張雨綺先行離開,見她在門口等車時笑臉迎人,似乎心情甚佳。她離開不到五分鐘,戴着鴨舌帽的馮德倫與幾位友人也相繼離開。
幾天之後,《跳》片煞科,老馮又提議舉行慶功宴,當晚收工後,他拉大隊到一間吃避風塘美食的餐廳慶功,記者見這對緋聞男女傾得特別投契,雖然老馮與莫文蔚已到達談婚論嫁的階段,但今次女友不在身邊,他跟張雨綺又如此合得來,令外間猜測二人是否真的撻着。

《難捨難離》
慶功宴後,老馮與張雨綺(右)離開時仍雞啄唔斷。

《醫肚避嫌》
在餐廳吃飯時,馮德倫刻意不與張雨綺並排而坐。

「唔好諗多咗」

記者昨日致電老馮求證,他說:「張雨綺係我部戲嘅女主角,咁我作為導演,錫佢都好正常,但當然唔係戀人嗰種錫法,其實我都只係搞過兩次聯誼,兩次都係因為煞科,所以先約劇組人員去開心吓,每次都係喺一大班人嘅場合先見到佢,根本未試過單獨約會。我同佢不知幾清白,大家真係唔好諗多咗。」
拍完這部戲後,老馮便忙於為《跳》片做後期工作,之後會全力籌備新版《英雄本色》,但女主角還未選定。
採訪、攝影:盧健

《照顧有加》
老馮的新片由張雨綺(右)做女主角,老馮謂錫她很平常。資料圖片