香港總商會噚日發表調查報告，受訪嘅商界有45.8%對本港員工普通話能力不滿，滙豐銀行中國區首席經濟師屈宏斌肯定係其中一位。
佢噚日出席香港總商會論壇，提到自己個小朋友喺本港學校讀書，學校講明母語教學，點知原來母語係指廣東話，唔係普通話。佢話咁樣落去，香港被邊緣化嘅唔係任何人，而係自己。
佢又提到香港未來發展路向，指𠵱家內地大把錢，根本唔需要香港作為融資平台，香港未來應該爭取融入內地金融體系當中，協助大陸將龐大嘅人民幣儲蓄存款，引導去投資市場，即係為內地同胞做好財富管理，呢個先至係出路。
講番份調查報告，商界除咗對本地員工嘅普通話唔多滿意，對員工嘅英語能力就更不滿，有65.9%話唔掂，再係咁，香港點樣做國際都會呢？