劉太於杏花邨的這個單位住了7年，雖然一直都搵到錢，但搵幾多使幾多，儲唔到錢。而且劉太話自己越來越忙，昇龍師傅就話間屋坐辛向乙，為當運之旺財八運卦，而且東邊有水，可謂旺丁旺財，未來20年都超好運，劉太以後會更忙，之後亦唔怕無錢剩，提佢千祈咪搬屋。
記者：林佩婷
攝影：陳偉強
資料提供：昇龍師傅（27207588）
文昌位放魚尾鐘催旺
師傅話劉生命格屬金，全屋宜以米黃或米白色為主，家具則可用梨木色。鋼琴位為文昌位，坐於此學習必能集中精神，取得好成績，人口流動更會催旺吉星。
門口屬小病星，劉太放置的銅葫蘆剛好能夠加以化解。西位為三碧星位置，幸好放置組合櫃，影響不大。南位為08年三煞、五黃、歲破位，不宜動土及郁動；可是，此處放置了餐枱、魚尾鐘及冷氣機，師傅指會加強凶星的威力。至於露台為八耀煞，亦為二黑病星，加上外面有馬路，汽車流動會加強病星影響，容易令皮膚、心臟有小毛病。
化解方法：南位搬走魚尾鐘及餐枱，放置六個銅錢化解。於露台放置一隻銅麒麟，頭向外面作化煞之用。另外再掛鋁質百葉簾便可。
房門不宜掛簾
昇龍師傅指主人房門，坐申向寅，代表有財運，不過東北方來氣較弱，容易招來身體毛病。門簾會形成淚珠煞，容易令人心緒不寧，情緒不穩，應即時拆走。床頭位置亦佳，來年開始當旺；惟床不應跟地面太貼，否則易有風濕骨痛，上面亦不應有架壓住，免令人精神錯亂。房窗有旺星，而且外面環境亦無煞。
化解方法：應要買張跟地面有一定距離的床，窗亦要經常打開，以加強陽氣。門頂可放六個銅錢化煞。
子女床放流年旺位
劉太亦想子女讀書有成，師傅指大兒子房間電腦枱跟床的位置，本身已放置吉位，故子女坐於此讀書，必然思維清晰、事半功倍。惟要留意是電腦枱對面的窗台位為病星位，不宜郁動，否則易令身體有毛病。
爐底鋪黃磚化煞
師傅指廚房在東南，木火相生，位置不錯。但灶位向鋅盆為玄空飛星之七赤金，為火剋金，易令屋主心肺、呼吸有小問題。建議於爐底鋪上黃色磚，形成火生土、土生金的格局。