去年榮登無綫搵錢最多女藝人榜首的廖碧兒，近來密密接騷搵真銀，她前日又連走兩場，認真豬籠入水。前晚廖碧兒在藍田出席聖誕活動時表示，她不介意接任何種類的工作，最緊要是公司安排，還希望一年搵錢多過一年。
廖碧兒前晚在藍田一商場出席「領匯歐美風情度聖誕」揭幕禮，跳着芭蕾舞出場，在現場聖誕佈置的襯托下，洋溢一片佳節氣氛，廖碧兒說：「跳舞出場幾好，因為跳舞係健康嘅活動，又可以令氣氛好好。」
盼勝去年
今年聖誕節，廖碧兒表示會往美國登台，並笑言希望能接多些聖誕和新年騷，她說：「舊年一年拍咗5套劇集，所以好難度期。」她去年既難度期也成為無綫賺錢最多的女藝人，問會否蟬聯，她說：「真係唔知，不過呢兩個月唔使開劇，所以有機會接多啲活動，好似今日都走早晚兩場。」問她可希望保持現今的搵錢走勢，她說：「年年都希望搵錢會多過舊年，自己都希望今年好過舊年。」
守身如玉
問廖碧兒會否叫公司代接更多跳舞活動，她說：「呢啲由公司去做，但其實跳舞活動稱唔上快錢，因為要花時間排舞。」問到無綫多安排旗下女藝人如楊思琦和葉翠翠等接泳衣騷，反而未見安排她走性感路線，問她是否守身如玉？她說：「我都行過內衣騷，呢啲係公司安排，冇話專登唔接嗰類騷。」
採訪、攝影：CheokPoFa
