容祖兒父親容錦輝和祖母林慧貞分別涉及的恐嚇及高買案昨日提堂，雖然家人惹上官非，但早於審訊前，祖兒的心情似未受影響，更偕胞弟踩單車由跑馬地踩到北角，不過其技術認真麻麻，全程險象環生，連她也自嘲過程驚險，出師不利！
容祖兒明年1月將舉行一連四場的紅館演唱會，為歌唱事業再創高峯，但祖兒父親容錦輝和祖母林慧貞近日卻一同惹上官非。二人今年8月在葵涌一間超級市場購物後，62歲的林慧貞被指盜竊，45歲的容錦輝與保安員爭執期間涉嫌恐嚇，分別被控以「店內盜竊」及「刑事恐嚇」罪名，昨於荃灣裁判法院審訊，容父庭上認罪，案件押後至下月再審；林慧貞獲控方撤銷控罪，但需自簽守行為。
落斜險象生
祖兒母親余金鳳和容錦輝10多年前離婚後，祖兒和胞弟一直與母親同住，父女感情淡薄，故在父親和祖母審訊前夕，祖兒也一切如常，日前凌晨更偕胞弟在港島區踩單車「遊車河」，當時兩姊弟均神色輕鬆，似未受家人官非困擾。
當晚凌晨12時許，素顏的祖兒身穿運動外套及三個骨褲，戴上銀色腰袋，與胞弟齊踩單車路經跑馬地藍塘道，但落斜時，她為免危險故手推單車步行，未幾其弟見胞姊氣喘如牛，即為她推車，抵平路時她才上車踩向南華會方向，奈何她車技欠佳，有如蛇行般不停狂扭車頭，當再落斜時，更忍不住尖叫：「嘩！衝落嚟啦！」祖兒左搖右擺下終踩到中央圖書館附近小休，並與胞弟拍照留念。
祖兒姊弟回氣後又踩單車往北角，其間她巧遇一名男友人駕車經過，遂停下聊天，此時她發現記者在場，主動向記者說：「我做運動㗎咋！」語畢即與胞弟朝記者反方向駛離。
為個唱練氣
其後祖兒在blog上載一篇題為《逃之northpointbreak》新文章，重提踩單車𤓓事，自稱「容老祖」的她自嘲過程驚險萬分，狂標冷熱汗，說「因為久休復出，技術生疏，落斜差點兒飛咗出街……認真出師不利。」
自封為「邪流隊長」的容弟也在網誌上透露，因胞姊要為個唱練氣，故才陪她踩單車，但她太多驚險鏡頭，形容「呢晚真係嚇到我心驚膽跳呀」。
採訪、攝影：娛樂突發組
全城熱話
「影響唔到祖兒形象」
容祖兒的嫲嫲和爸爸昨日出庭應訊，不少歌手昨日出席活動時都關心事件發展。
吳日言
屋企人一定要幫，??家未搞清楚件事，可能老人家一時迷失、唔清醒，個仔幫佢好應該，老人家去差館會好驚。
梁雨恩
都係佢屋企人嘅事，對做嘢應該唔影響，呢啲係好私隱。
Oscar
事件影響唔到祖兒嘅專業歌手形象，最重要係工作時專注，唔好帶唔好嘅心情入工作。
吳浩康
我有睇到報紙，呢兩日唔會打電話畀祖兒，佢心神都一定會好攰。
許志安
出門口睇過吓報紙，唔清楚實情，同祖兒都熟，因為同一個髮型師，會打電話畀佢，不過知佢身經百戰，可以應付到。
徐濠縈
吓？咁慘，不過唔方便評論，希望人哋冇事，係Eason同祖兒熟啲。
採訪、攝影：張俊銘、李珮
