黎姿雖為無綫台慶視后大熱之一，但大家的目光都在注視着「大契」李司棋為視后的不二之選，就連黎姿也認為今年最佳女主角應是大契的囊中之物，她視李司棋為偶像，而偶像還每晚追看她的演出，她覺得能獲得別人的真心讚賞，比獎項更有價值。
黎姿憑《通天幹探》中醜女黃晶瑩一角，獲提名《萬千星輝頒獎典禮2007》最佳女主角和我最喜愛電視女角色，她看好《溏心風暴》更甚於自己主演的劇集，事實上，大細契確是最強對手，黎姿說：「我一路拍緊《珠光寶氣》，都冇乜留意其他嘢，只係聽過人講話網友鍾意我喺《通天幹探》入面個醜女角色，講信心問題我真係冇乜感覺，外界對我醜女角色有好評，鍾意我做戲會更加畀到信心我，而唔係獎，我希望得到嘅，係我演戲受稱讚多過攞獎！」
「連邊句對白都記得」
黎姿認為每位觀眾都有心中的大熱，她心目中的人選就是李司棋，二人目前正合作拍攝《珠光寶氣》，她很高興得到對方的稱讚。她說：「我最近遇到開心事係俾司棋姐讚，佢話有追睇我套劇，話我角色做得好可愛，仲鼓勵我做多啲唔同角色，唔使一定做靚女，我細細個就係電視迷，煲好多電視劇，司棋姐都係我偶像之一，對住一個偶像前輩而能夠得到稱讚，佢仲係連我邊一場戲講過邊一句對白都記得，可以同我講番，我真係好感動。」
繼《金枝慾葉》的玉瑩小主之後，醜女晶晶是黎姿另一個喜愛的角色，她初時還擔心觀眾會嫌她的演出有點浮誇，可幸反應不俗，黎姿說：「我去醫院探細佬，啲姑娘追住問我劇情，叫我個角色名，又扮我行路、學我哨牙講嘢，我好開心觀眾係睇到入心。」
欣賞陳豪態度一流
跟黎姿拍檔過的小生有林保怡、陳豪、鄭嘉穎等，她坦言最希望陳豪得到男主角獎，她說：「由電影《古惑仔》我已識佢，喺呢行算好多年，佢每一次都好努力做好自己，佢做好演員應有本份，工作態度冇得頂，絕冇偷懶，就算好辛苦捱眼瞓開工都冇半句怨言，再講佢演技真係好大進步，我覺得佢係突然開咗竅嗰種，合作《通天幹探》已深深感受到。其實保怡同嘉穎都攞過獎啦，陳豪今年成績咁好，所以在情在理我都好希望佢得。」
採訪：魯萍 攝影：林德雄
話你知：我最喜愛的電視女角色 （候選名單）
候選人：汪明荃
提名作品：《東方之珠》 角色：金燕
候選人：佘詩曼
提名作品：《東方之珠》 角色：朱玉蘭/薰蘭
候選人：宣萱
提名作品：《賭場風雲》 角色：李青雲
候選人：楊怡
提名作品：《賭場風雲》 角色：譚珠美
候選人：楊思琦
提名作品：《突圍行動》 角色：宋嘉兒
候選人：胡杏兒
提名作品：《亂世佳人》 角色：顧平安
候選人：關詠荷
提名作品：《同事三分親》 角色：黃家嵐
候選人：金燕玲
提名作品：《同事三分親》 角色：伍恆
候選人：江欣燕
提名作品：《同事三分親》 角色：戴安娜
候選人：李司棋
提名作品：《溏心風暴》 角色：凌巧
候選人：米雪
提名作品：《溏心風暴》 角色：凌莉
候選人：關菊英
提名作品：《溏心風暴》 角色：王秀琴
候選人：鍾嘉欣
提名作品：《溏心風暴》 角色：常在心
候選人：鄧萃雯
提名作品：《師奶兵團》 角色：蒙嘉嘉
候選人：商天娥
提名作品：《師奶兵團》 角色：曹美娥
候選人：唐寧
提名作品：《師奶兵團》 角色：舒小曼
候選人：郭羨妮
提名作品：《學警出更》 角色：袁慧妮
候選人：伍詠薇
提名作品：《緣來自有機》 角色：葉滿枝
候選人：廖碧兒
提名作品：《舞動全城》 角色：李心盈
候選人：陳法拉
提名作品：《舞動全城》 角色：程嘉汶
候選人：徐子珊
提名作品：《舞動全城》 角色：楊詩曼
候選人：葉童
提名作品：《奸人堅》 角色：凌玉翠
候選人：蒙嘉慧
提名作品：《通天幹探》 角色：姜雅如
候選人：黎姿
提名作品：《通天幹探》 角色：黃晶瑩
資料來源：無綫電視
