王菀之正式加盟東亞唱片，噚日佢喺灣仔舉行記招，佢爸爸同老闆林建岳都有撐場，王菀之期望喺新公司有新發展，包括唱歌、拍戲、開演唱會等，佢自爆新公司嘅酬勞令佢好滿意，足夠做業主。對於其緋聞男友張敬軒同關智斌傳出斷背情，仲以王菀之做煙幕，佢話：「大家唔好咁講，我之前轉公司，都有好多揣測，話我冇人要。」