梁朝偉早前拍星際酒店廣告，如占士邦般穿梭美女群，女友劉嘉玲也不讓他專美，最近她在香港一海灣，穿上性感DeepV泳裝，以《鐵金剛勇破神秘島》的烏蘇拉安德絲的邦女郎造型，性感踏浪賣手錶。
劉嘉玲在紅地毯上再性感，其泳裝造型都只限於多年前的纖體廣告，不過她早前為關係極好的多年廣告客戶浪琴（Longines）拍攝新廣告，不惜再以泳衣示人，雖然只是一件頭泳衣，但其deepV剪裁，將劉嘉玲美好身段表露無遺。
動靜皆宜
劉嘉玲在新廣告中有三個不同造型，最性感的黑色DeepV泳裝，造型來自首部007電影《鐵金剛勇破神秘島》（Dr.NO）的烏蘇拉安德絲（UrsulaAndress），劉嘉玲重演片段中邦女郎由海中浮出水面，拎住潛水鏡登上沙灘的一幕，她揚言對游水等運動不抗拒，並說：「我其實動靜皆宜，睇書我鍾意，但平時睇電視對網球、田徑、跳水項目我都一樣有興趣，尤其要捧奧運劉翔，做人唔可以死板嘛！」
廣告少有地在香港取景，拍攝場地的富豪海灣女主人羅寶文更送上蛋糕探班，劉嘉玲則說：「平時拍廣告去外國嘅目的，係畀觀眾新鮮感，但香港都有好多大家未發掘嘅靚景呀！喺本地取景尤其貼近我嘅生活，更加能夠喺熟悉的地方演繹出優雅一面，事實證明呢個嘗試成功，喺自己嘅地方拍出嚟嘅相效果好好！」
識飲識食
其餘的廣告造型，拍攝相對輕鬆得多。劉嘉玲保留一貫的優雅雍容貴氣，一時穿華麗晚裝在豪宅前散步，一時戴鑽錶坐名車曬太陽，又或坐在餐廳嘆茶，十分寫意，她說：「拍攝嘅情調好似喺歐洲南部咁，我好似享受緊一個悠閒嘅下午，吹吓海風、飲吓紅酒，好嘆！呢啲片段都幾代表到我，因為我係鍾意靚嘅事物又識享受人生。」
撰文：林妙萍
