全智賢最近夥拍韓國影帝黃政文，拍攝電影《曾是超人的男子》。為咗今次新片，佢不惜自毀形象，扮演一個唔化妝、頭髮蓬鬆嘅女導演。劇中嘅佢仲因為公司遲遲唔出糧，喺飢寒交迫下索性偷走公司攝錄機去賣，全智賢話：「今次係我從影以來最有真實感嘅角色，能夠演出咁嘅人物，令我好開心。」齣戲預計出年年初上映，亦係全智賢繼年幾前嘅《雛菊》後嘅最新作品。