韓星孫藝珍大前日喺釜山拍攝新片《無防備都市》煞科戲，雖然最後一場戲係講珍妹好威咁指揮近200名臨記，但現實嘅佢就好唔捨得同工作人員分開，當大家攞出蛋糕送畀佢時，佢就因為太感動而淚灑當場。珍妹話：「呢一刻雖然唔覺得自己已完成拍攝，但第二日起身，就會感受到無名空虛感。」之後佢仲逐一同工作人員合照留念㖭。