受次按問題困擾，美國各金融機構皆「中毒」而須大幅撇賬或作出壞賬、損失等撥備，令致風聲鶴唳。早前財長保爾森曾召見花旗、美銀及摩通等3大銀行巨頭，商討穩定市場信心之對策，以免所謂結構性投資工具（SIVs）等資產遭惡性拋售。若果一層一層蛀壞，不難影響埋優質之債務抵押債券（CDOs），到時毒氣入心便返魂無術，欲救無從。因此必須及早鎮住，防止劇毒擴散，遂給他們諗出個「大水喉基金」，據聞集資在750億至1,000億（美元．下同）之間，希望可以頂住銀行體系崩潰之同時，亦可藉此托一托股市。因為連這條腿也跛埋的話，布殊政府可以提早宣佈返鄉下耕田矣！
「大水喉基金」大鑼大鼓一輪，突然胎死腹中，前周更傳出3大銀行因份額問題（各出資多少）談不攏而告吹，嚇到次按或中級按揭債券再被「糟質」，火點更蔓延至股市。過去兩星期，美股道指有兩次跌超過300點，足見人心惶惶。
為甚麼出爾反爾？原來全美最大銀行花旗自己中毒頗深，第三季除盈利倒退57%外，為結構性工具資產撇60億還不夠，有消息傳出再要多撇110億。嘩！全年盈利蒸發之餘，還要掏腰包救其他「中毒」之士，正是泥菩薩過海──自身難保，又何來extra銀両救人？更何況CIBC分析報告指花旗或須變賣資產，以符合資本充足率之要求（所缺金額約300億）。
老竇都係假！沙地王子（單一最大股東）已怒「炒」花旗舵手普林斯（CharlesPrince）。新領導未見出現，內部立立亂，財長先生，認真Sorry了！
豈料消息傳來，前財長魯賓雖暫代主席，但CEO人選未落實，或擔正大旗，故此「大水喉基金」重提，是財長對財長，雖各為其主（不同黨派），但都要以大局為重！