14/11/07
天晴
最新動態
我喺度寫blog，除咗可以同波友分享吓包括波馬股嘅賭博心得、箇中嘅喜怒哀樂，最重要可以鞭策自己，持之有恒做到一個有智慧有錢贏嘅投資/投機者，我昨天做到了。
吼準一擊，上個禮拜五已落注嘅阿仙奴2.4倍「客勝」得手（最後落飛至2.15倍），嗰種睇準，仲喺自己愛隊身上贏到錢嘅滿足感，就係睇波贏錢嘅至高境界，希望擁躉喺我多番提點下，收到呢份聯賽「休漁期」前嘅小禮物；其實場波雷丁死守打得唔錯，但阿仙奴一味夠耐性，喺度要恭喜青蛙仔又貼中3:1呢個11倍嘅頭條波膽。
呢場波打完後終可安心有覺好瞓，叉足電十日後聯賽再嚟過，國際賽唔係我專長，持盈保泰方為上策；早啲起身，睇吓書，有時間刨吓股市，趁低位入到心儀靚股作中線投資好過。
呢場波，最可憐係阿仙奴打出漂亮嘅森巴足球，但巴西隊長基拔圖施華喺攝氏零度下，瑟縮一角坐足90分鐘冷板凳，人生一大諷刺！
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報