基達菲上周六主場2:0擊敗巴塞隆拿，近3場聯賽連勝，最高興嘅梗係教練米高勞特立啦！呢位前巴塞名宿季初頭9場比賽輸足6場，被人鬧到飛起。今次倒戈打巴塞，勞特立充份使用丹麥國家隊穩守突擊嘅撒手鐧，搞到對手朗拿甸奴、美斯冇料到要被換出，兼有意大利後衞森保達領紅牌，總算為自己挽回聲譽。