林憶蓮在九展StarHall舉行一連10場「憶蓮Live07」演唱會，前晚正式開鑼。憶蓮為該新表演場館打頭陣，成為首位在此開個唱的歌手，而且作出一個破格演出。
由於場館每晚只能容納最多3,600位觀眾，相對成本不能太高，否則隨時不能回本，今次憶蓮個唱的門票最高訂價為680元，以本地歌手而言頗高。但貴價飛不代表節目多花臣，憶蓮個唱的製作不多，服裝兩套，佈景道具只有兩、三個，其餘靠投射動畫來堆砌大場面感覺。
認多蝦碌
憶蓮今次找來小型管弦樂團伴奏，她則以鋼琴自彈自唱，可惜曲目都以慢歌為主，且大部份都非大家耳熟能詳的hit歌。憶蓮是夜重點以歌會友，全晚講得最多的是「多謝」及「Thankyou」，她說：「我諗住今晚唔講嘢，我講嘢會好悶，可以只係唱歌，我唔知大家介唔介意？」
最後憶蓮說：「第一晚演出我盡咗力，好多蝦碌嘅地方，希望大家包涵。」即使憶蓮的歌藝毋庸置疑，讓人聽出耳油，但整個個唱還是難免叫人有悶場之感，到encore之時，已有部份觀眾急急先行離場。
採訪：王連連
攝影：陳順禎
