陳奕迅（Eason）前晚在紅館演出尾場個唱，興奮得胡言亂語，把乒乓好手高禮澤名字說成高禮賢，又慫恿全場歌迷噓爆自己說：「唔噓正衰人。」但歌迷就是愛他率性坦白，整晚個唱氣氛熱烈，結果Easonencore多唱九首歌至昨日凌晨12時半才完場，主辦單位東亞運動會被罰約7萬元超時費。
陳奕迅舉行16場「Eason'sMovingOnStage1」演唱會前晚圓滿落幕，他興奮得encore時多唱了九首歌，直至昨日凌晨12時半才完場，主辦單位東亞運動會被罰約7萬元超時費。當演出過了12時，Eason還開心說：「過咗12點未？香港好少歌手係咁，SamHui（許冠傑）都係，佢仲晚晚係。」
霍震霆頒紀念品
前晚Eason全晚情緒高漲，又發揮口水佬本色，不時想到甚麼就說甚麼，胡言亂語，但卻成功帶動觀眾熱烈氣氛，他開場即說：「今晚預咗唔返屋企，要玩得最癲，人哋唔畀我哋唱，就出去出面再唱過，不過會唔會俾人告非法集會呢？」
除Eason母親、老婆徐濠縈及女兒陳康堤外，霍震霆再與車菊紅及高禮澤捧場，當Eason介紹運動員時說：「我好犀利，演唱會好少有嘉賓咁犀利，國際級水準，但都係香港自己友，係頂級運動員，有車菊紅同乒乓孖寶其中一寶高禮賢。」說罷Eason自知將高禮澤名字說錯，想了好久才說對其名字，他又說：「死，太緊張發台瘟㖭，本來李暉都嚟，不過佢耍緊太極。」
到霍震霆上台頒紀念品時，全場觀眾歡呼，Eason笑說：「你嚟踩場？大家叫吓我個名得唔得先？」後來他又拿着霍震霆贈予的助跑器問：「係咪私家車油門？係咪要嚟踩油。」然後放在地上扮助跑，十分搞笑。
瘦到「籮柚冇咗」
Eason見歌迷興奮，中場時坐在台邊與觀眾握手，見山頂觀眾也站起身跳舞，他竟說：「企上面啲人小心啲。」觀眾以為Eason出於關心而歡呼，他故意說：「唔好害我。」惹得全場觀眾勁噓，Eason即笑說：「我好鍾意噓聲，唔噓正衰人。」
事後Eason接受訪問，他說：「我唱到時間都唔記得晒，個人都瘦咗10磅，以前178磅，𠵱家籮柚冇咗，腳又瘦晒。我都搏老命唱，罰政府錢咋嘛。談到有指他將出席台慶表演，是唱片公司為他爭獎，Eason說：「唔知，唔理，反正我搞演唱會，新碟好少宣傳，有機會唱就唱。」
採訪：王連連
攝影：仇志德
