許志安 娜姐至型商標
「如果麥當娜（Madonna）推出電話，我一定會買，因為我一向都好鍾意娜姐。佢係一個有型嘅保證，我相信佢出電話，一定會自己設計電話個logo，個電話有佢個logo，你話幾型呢，真係唔買唔得啦。」
採訪：胡比、王崇穎、李珮洳
蒙嘉慧 Warhol藝術無限
「如果AndyWarhol出電話，我一定會仆去買，因為我由細到大都好鍾意佢嘅作品，我覺得佢啲畫同公仔都好有代表性，如果手提電話都有佢嘅作品喺度，我覺得成部電話感覺都會唔同晒，而且仲好有收藏價值㖭。」
陳豪 想出自家手機
「如果你問我最想邊個推出手機，咁我梗係最想用自己個名去出手提電話喇，仲可以自己做代言人同拍廣告㖭，都幾開心㗎。
若果成事嘅話，我覺得最好就係同品牌O2合作，因為我本身好鍾意用PDA嘅電話，所以我好早期已經用佢哋嘅電話，到時我可以喺電話度介紹全港所有嘅咖啡店，因為我好鍾意飲咖啡，好想同大家分享吓。」
李蘢怡 情迷皮革Herm囗s
「喺咁多牌子或者明星之中，我最想Herm囗s推出電話，佢哋嘅手袋出名就係人都知，所以我都好期待佢哋出一部電話係有皮喺上面做裝飾嘅，又或者出唔同顏色嘅皮電話袋襯番部電話，用起上嚟真係特別架勢呀。」
