「Shubhprabhat」（音為薯背拍哈得），印度文早晨咁解，一早起身當然嘆個早餐，早餐印度話叫Nashete（音為那思撻）。南北印度的飲食習慣各有不同，北印以烤餅麵食為主，南部的飲食習慣像中國般，主要食米飯。而今日主角Andy便來自愛吃烤餅的北印度。
「超過75%的印度人以素食作早餐，點解食齋？應該同宗教有關，不過我唔知點解，又可能因印度天氣濕熱，食清淡啲無咁辛苦。」平日Andy會以兩塊蔬菜烤餅、奄列、泡菜和凍酸乳酪作早餐，每塊差唔多成8.5吋闊，聽落就覺得飽！「印度人的早餐很豐富，因為我哋通常早餐當埋午餐，之後直接吃晚餐。」
「薯仔餅是印度人常吃的烤餅，烤時只加少許橄欖油、鹽，味道清淡。而印度乳酪比西方的更濃更酸，飲一口立時睡意全消，比咖啡更醒神。」身在他鄉的Andy，慶幸香港有不少正宗的印度餐廳提供家鄉早餐，而平日的早餐，則由Andy嫂操刀了！
記者：洪偉順
攝影：陳盛臣
凍酸乳酪$12
用新鮮牛奶自製的酸乳酪，口感較滑，味道酸酸。
薄荷烤薄餅（左）$12
蔬菜奄列（右）$15
加入薄荷香料的烤餅，味道清新；蔬菜奄列用青葱粒。碟上小兜放着印度泡菜，超酸，早餐必食。
薯仔薄餅（前）$10
青瓜鮮乳酪（後）$15
馬鈴薯加上麵粉，烤完後味道濃香，外脆內軟。青瓜鮮乳酪是自家製，加入薄荷葉、青瓜汁等，勁酸。
莎莎瑪
地址：尖沙嘴彌敦道36-44號重慶大廈地下48號舖
電話：27248787