交通警察經常都戴着一對很有型的手套，騎着「鐵馬」風馳電掣執勤，好不威風！原來那對手套是貴價貨，有網民發現該手套網上有售，但索價近440元，不過有人踢爆手套款式有抄襲之嫌。
「ikowong」在某網站有重大發現：「原來新的交警手套是貴東西，成本一啲都唔平！」不過，網友「samesame」踢爆：「錯！政府用緊嗰對係抄款，係咪抄呢款就唔肯定，因為仲有好多款都差唔多。」「kkau」補多句：「政府用緊嗰對係MadeinChina。」
「samng」想知道：「可唔可以自備手套㗎？我見過有交警用某日本名牌賽車手套。」「rambo」也曾於軍用品店見過：「寫有Police字樣嘅電單車皮手套，好似都要賣百多元。」「samesame」相信：「自備手套只要唔好太過花巧，上司應該唔會詐型。」
過來人稱加重裝備
「安妮」則語重心長勸大家：「假如你受傷，警隊甚至政府都要孭重飛，預防點都好過事後補救。我哋以前好多裝備係自備，個個都貼錢打工，當年警隊裝備保護不足，令到我哋老一輩嘅同事周身傷。我奉勸各同事，好好保管同『錫』住你哋啲裝備，無論係大圍用定係個人裝備，政府用錢再買過，亦即係用你同我啲錢去買！」
http://www.hkpf.net/viewthread.php?tid=19645&extra=page%3D1