電影《神槍手與智多星》演員曾志偉、方力申、唐嫣和趙彤昨日於屯門出席宣傳活動。
對於荷李活電影《蝙蝠俠──黑夜之神》（TheDarkKnight）於香港拍攝，杜琪峯公開指政府沒有協助港產片。志偉對此說：「叫阿杜拍《蝙蝠俠》，睇吓政府理唔理佢？佢拍嘅時候睇吓有冇幾萬人圍觀？近年香港少拍大卡士嘅片，我覺得政府唔係唔支持，一直都有開會傾點幫。我哋唔好氣餒，要爭氣。如果成龍、周潤發同李連杰都返嚟拍戲，咁實多人支持。我哋𠵱家搵陳冠希客串一日都難啦！」
小方光宗耀祖
另外，《神》於內地已上映，方力申的父母於北京先睹為快，小方說：「佢哋睇咗喇，仲覺得我有演喜劇嘅細胞。同埋北京嘅親戚見我今次同三個影帝合作，問我有冇影相，話要曬大放喺屋企門口光宗耀祖。」此外，日前《蝙》於中環取景，碰巧於小方父親開設的畫廊樓下拍攝。
採訪、攝影：王連連