花旗上個禮拜五又唔見200幾點，走勢好肉酸，係「走得快好世界」嘅格局。
伯南克明確話畀大家聽花旗經濟唔掂，通脹嘅威脅會越來越大，啲國民就話慳啲使，買多啲國貨同買少啲外國貨啫，國際投資者要避過風險，最實際就係揸少啲美元資產，美元同美股後市點走，都好容易估到。
港股今日跟花旗跌無可避免，話晒都係國際金融中心，冇理由唔跌去反映一下呢個地位，不過港股市底好，經濟又好，加埋「中國因素」，恒指跌到27000應該有反彈。低位博反彈，撈乜嘢？吼實隻中移動（941）。
中移動C輪2163：中移動現價已經好近條50日線，係好友支撐大市嘅主力，趁低開收集C輪2163，博正股反彈上148元，隻輪現價23.5仙，槓桿率5.8倍（有效3.7倍），正股反彈上148元，2163會喺31仙樓上。
正股若跌穿126元，2163沽出止蝕。