今季美職大聯盟季後賽總決賽嘅戲碼已落實，係去季嘅翻版，由衞冕嘅侯斯頓戴拿模鬥新英倫革命。話時話，今季季後賽嘅戰果真係正路到你唔信，主場嘅球隊仲幾乎無敵，好似上周六戴拿模對迎肯薩斯巫師呢場西岸決賽，戴拿模就輕輕鬆鬆贏2:0晉級。雖然美職聯季後賽易捉路，但對於啲喜歡扒冷嘅球迷，就真係幾冇癮。