樂基兒、AmandaS.、MandyLieu、AnaR.、LisaS.及Rosemary昨日齊在澳門，參加百家樂明星賽，結果AmandaS.最後晒冷贏出，同樣晒冷出牌的樂基兒卻全軍覆沒包尾p而回。樂基兒笑言會將昨日賭輸一事告知曾拍《少年賭神》的男友黎明，請教他下次如何能贏錢。
多位名模如樂基兒、AmandaS.、MandyLieu、LisaS.、AnaR.及Rosemary，昨日齊在澳門星際酒店，參加星際百家樂明星賽，每人代表一間慈善機構出賽，結果代表澳門奧比斯的AmandaS.在最後一局晒冷勝出，籌得50萬元，同樣晒冷的樂基兒卻包尾而回。
拒談新愛巢
比賽前擔任司儀的高皓正大講爛gag問樂基兒說：「有冇睇過酒店房嘅環境呀？」樂基兒答：「睇唔到。」高皓正再問：「咁有冇聽過『眼睛想旅行』（黎明歌曲）呀？」樂基兒即時一臉尷尬。
眾模特兒中，首次玩百家樂的樂基兒在最後一局晒冷出牌，結果全軍覆沒排包尾，她說：「我已經盡晒力啦，我知道係為慈善，咪全力晒冷囉，咁多人望住我哋賭好緊張嘛。」問她出賽前何不請教曾拍《少年賭神》的黎明？她說：「我會將今日（即昨日）輸咗件事話畀佢聽，或者下次問佢啦。」再問有報道指黎明在上水買下價值6,000萬的獨立屋，是否兩人築新愛巢？她說：「呢啲你哋問番佢啦。」
自稱冇賭運
昨日勝出的AmandaS.，是第二次玩百家樂，她說：「我第一次係3年前喺菲律賓玩，平時我都冇乜賭運㗎，不過今日唔係賭自己錢，所以冇咁緊張。」
採訪：MaggieLaw
攝影：DickyChan
