噚晚喺台北小巨蛋舉行首場個唱嘅日本跳舞組合w-inds.，前日趁綵排空檔，「突襲」醒吾技術學院嘅學生，帶畀學生唔少驚喜。原來今年7月，醒吾嘅學生曾經發動萬人簽名行動，邀請w-inds.到台灣開騷。結果前日中午，一班學生午飯時間喺校內舉行例牌嘅歌迷聚會時，w-inds.忽然現身，仲即場演唱新歌，三子雖然只係現身短短10分鐘，但已令校內500名學生為之瘋狂。