今季最後一套劇集《SP》，已經喺日前喺日本出街，劇集由V6成員岡田准一拍堤真一，飾演保護要人組成員，仲有唔少動作鏡頭。雖然劇集喺深夜11點非黃金檔播出，但首集依然錄得14.5%收視，唔少網友仲對劇集讚不絕口。
無名氏：深夜時段都可以有14.5%收視，犀利！
Mai：《SP》好好睇。
無名氏：岡田身形太矮細，令劇集欠缺咗迫力。
無名氏：睇咗《SP》，好睇。岡田演技唔錯。
《SP》係《跳躍大搜查線》嘅導演本廣克行，相隔六年重返電視圈執導嘅新作，早前福山雅治主演嘅新劇《伽利略》收視叫好，電視台即時宣佈開拍電影版，相信《SP》開拍電影版嘅機會都好大。
網址： http://entameblog.seesaa.net/article/64666979.html