早兩日韓國一個調查顯示，韓國最賺錢嘅藝人就係裴勇俊，佢唔單止拍戲、推出肖像商品，就連經理人公司同上市公司老闆都做埋，一年之內唔計剪綵收入，就賺咗3.7億港幣。
最近韓國網站出現咗聲稱係俊哥屋企服裝間嘅照片，睇見入面手錶同眼鏡嘅數量，真係嚇咗阿Deep一跳，雖然唔知輯相嘅來源，但就引起網友議論紛紛。
媲美服裝店
唔少網友覺得俊哥個服裝間可以媲美服裝店，網友JAEWOO同yty88即刻話：「當然啦，佢身家超過1,000億韓圜（約8.3億港元）。」
俊哥唔止身家厚，影迷SYATO仲話佢成日捐錢做善事，算係韓國演藝界最慷慨嘅人。網友番薯就話：「比起其他藝人，佢啲衫都唔算好多，飾物就另計，小心手錶擺太耐會壞喎。」輯相睇到網友既羨且妒，睇嚟大家都要努力𢱑銀囉。
版主：網盜王尊尼Deep
本欄逢周一至五刊出
網址： http://tvzonebbs4.media.daum.net/griffin/do/star_photo/read?bbsId=A000010&searchValue=&articleId=174462