英超波當然是香港讀者的至愛，但好睇不等於好賭，今集除咗有藍鑽石同大家講英超貼士，讀者之一金水也大談賭波心得：原來英冠前列球隊每季都輸上十多場，長吼其對家冷W，大有着數！
藍鑽石今集提供
星期六7新特蘭和紐卡素2:212倍
星期日14車路士勝愛華頓2:05.5倍
星期日24曼聯勝布力般流浪2:17.5倍
好睇未必好賭
「教你買英冠冷W」
起底：大部份球迷都鍾意邊睇邊賭，金水今次在節目就大唱反調，認為「最緊要有錢收」，所以他平日會專攻罕有直播的英冠和英甲，更試過中4串1勁收逾4,000元！
M：Mike 藍：藍鑽石 金：金水
M：我知道你除咗賭港人最熟悉的英超，平日仲會買吓英冠英甲玩吓。
金：係呀，因為英冠頭5名球隊，一季總會輸上十多場波。
M：除咗雷丁，他們在前季只輸兩場。
金：以上季為例，英冠頭5名球隊如新特蘭、伯明翰、打比郡等，全部至少輸12場，以整季46場計算，平均打4場就輸1場。
M：反而英超前列隊好少輸咁多。
金：所以我就會買幾支英冠前列隊的對家，專吼佢哋對弱旅時，對家冷W有3倍以上就出擊。
M：咁你投注策略會係點？
金：多數會買3或4串1，兩關主客和，再串埋冷波膽；我試過最多4串1中到逾4,000元。最緊要係以小博大，每注20元左右就夠，中一次都有排玩。
藍：你咁鍾意英冠英甲波，不過多數冇得睇喎，會唔會幾冇癮呢？
金：係就係好冇癮，不過投注角度來看，最緊要都係收錢嘛！
藍：咁今季有冇追（英甲）列斯聯？
金：有追㗎，追佢哋輸波！
藍：咁你應該輸喇，因為佢哋冇乜輸過。嚟緊足總盃有唔少英冠隊登場，會唔會繼續「對家政策」？
金：唔會啦，因為呢類盃賽，弱隊班球員希望得到英超隊賞識，會好落力，高雲地利就係好例子！
金水貼士
新特蘭負紐卡素0:2 9倍
車路士勝愛華頓3:0 8倍
曼聯勝布力般流浪2:0 6倍
藍鑽石點睇：
金水睇準英超同低組別聯賽嘅唔同特色，搵到個咁獨特嘅投注策略，又肯公諸同好，冇得頂！足智彩咁多非主流比賽，想發財，真係要做多啲功課。
「搵出『零入球』弱隊」
起底：富貴如浮雲的Andy，贏幾千元都不當一回事，今次他就繼續和《蘋果》讀者分享賭波心得──原來是找出各大聯賽的「零入球」球隊。
足智彩開出各式各樣聯賽供球迷下注，分心多買的話都幾難贏到錢；自詡波馬皆贏的Andy，就提供必殺方程式給球迷：先找出「零入球」球隊，然後2串3或2串1買對家淨勝2:0及3:0波膽。
Andy列出上周他就中過不懂入波的利雲特（暫時踢11場僅入6球），淨輸3球給維拉利爾，以及聖保羅以3:0贏已降班兼入球數字在巴甲敬陪末席的阿美利加納泰，兩關分別為10倍及9倍，派彩有90倍，非常不俗。
回到港人最愛的英超，Andy除了會留意同樣是破關乏力的打比郡，亦對車路士大戰拖肥糖有意見。「估車仔贏2:0非因愛華頓攻力差，而是覺得車仔換領隊後，球隊更穩陣，愛華頓看來亦入唔到波。」
Andy貼士
新特蘭和紐卡素1:1 7倍
車路士勝愛華頓2:0 5.5倍
曼聯勝布力般流浪3:1 10.5倍
藍鑽石點睇：
呢個賭波膽策略科學化又具分頭，不過小心啲唔識入波球隊，下半季往往振作，隨時要換馬喎。
「賭車仔和/主好分」
起底：有不少球隊大熱出擊，買其單W冇肉食，讓球主客和風險又高，讀者Tommy就教路轉攻半全場，買「主/主」、「和/主」博好分。
Tommy是車路士球迷，未知是否與愛隊近幾年強勢有關，有時買其單W賠率乏味，倒不如買「半全場」。以本周賽事為例，車仔對愛華頓單W賠率只得1.28倍，至於「主/主」及「和/主」賠率分別為1.65倍及4.3倍，回報吸引得多。
Tommy強調，只要兩瓣兼顧，中到「主/主」已經唔駛點輸，中到「和/主」就非常和味。以此策略作過關2串3，比單買熱W好分得多。藍鑽石亦補充，意甲的國際米蘭和法甲的里昂亦類似車仔，球迷下注時亦可以此半全場模式，套用在他們身上。
至於今周的3場重心比賽，Tommy認為車路士對愛華頓、曼聯對布力般都有機會出現「和/主」，大家不妨一試。
Tommy貼士
新特蘭勝紐卡素2:1 8.5倍
車路士勝愛華頓3:1 12倍
曼聯勝布力般流浪3:2 26倍
藍鑽石點睇：
「半全場」不嬲都有唔少人追捧，但睇波嗌住強隊半場唔好贏都幾慘，建議齋賭唔好睇波，費事爆血管。
講波有得Fun
上網登記即贏豐富獎品
〈蘋果波經〉現招募全港球迷，參加我們的網上足球節目《拉闊足球場》，透過WebCam與節目主持及嘉賓分享賭波心得。閣下電腦只需設有WebCam及Headset即可參加，贏取豐富獎品。
讀者只要登入網址： http://soccer.atnext.com/jp/survey登記，並回答簡單問題，即可獲贈KFC $50現金券及《英超星光15載》紀念冊一份，先到先得。
有興趣參加？即上 http://soccer.atnext.com/jp/survey
下次舉行日期：15/11（下周四）8:00-8:40pm約定你
節目重溫︰
https://video.appledaily.com.hk/realtime/features/soccer
