有線節目《肥媽私房菜》早排請咗王敏德做嘉賓，王敏德最近忙緊籌備唱片，原來佢以前唱過泰文歌，喺泰國有知名度，今次灌錄嘅係英文唱片，仲邀請咗陳慧琳合唱，相信佢哋會擦出新火花。肥媽話當年王敏德好多女仔黐埋去，以為咁有型嘅男人對感情一定唔會專一，之後估唔到佢咁快就同Janet結婚，而且感情一直維繫得好好。