前日有報道指狄波拉因不滿媳婦張栢芝只顧工作去街周圍飛，不餵人奶給愛孫Lucas，昨日拉姑和栢芝分別接受商台節目電話訪問，兩人強調報道不是事實，並互讚好媳婦及好奶奶。
栢芝在電話中表示難以用「好」字來形容拉姑，因為拉姑對她是愛的表現，她說：「奶奶最支持我出嚟做嘢，佢畀我好大自由度，我反而覺得個報道令奶奶好委屈。」栢芝透露昨日是Lucas出生100日，所以她會為愛兒舉行100日party，她表示不介意讓Lucas曝光，因為她想兒子過一個正常人的生活。
「演技好過霆鋒」
至於昨早飛往泰國慶祝四面佛誕辰的拉姑，昨日接受長途電話訪問，她說：「啲報道喺中間加鹽加醋，令我新抱好委屈，佢會驚奶奶會唔會喺背後講乜，我哋一家人有傾有講，如果佢做女就100分，做老婆就200分，做新抱就300分，至於做媽咪就400分。係我叫佢做嘢，因為我以前就係為家庭放棄事業，但我就失敗咗，佢做戲好好，演技仲好過霆鋒少少㖭！」
撰文：駱華齡