李香琴（琴姐）噚日到商台接受訪問，琴姐話佢今個月底會同譚炳文、葉振棠幾個老友喺香港文化中心舉行《獅子山下金曲情演唱會》，琴姐話原本主辦單位想佢同炳哥舉行40周年演唱會，但佢就擔心做主角有壓力，因為自己年紀大，怕會唔記得歌詞。琴姐同肥姐（沈殿霞）通過電話，佢話：「欣宜話如果去探佢，又會要肥姐起身化妝、整頭髮喎，所以都係等佢休息吓先。」