【澳門直擊】陳冠希（Edison）在澳門出席品牌剪綵活動時，站在熊黛林、LisaS.和陳嘉容等高妹身旁合照時顯得很矮小，他讚眾女模很sexy很靚，還稱若早幾年或有機會和她們發展，但現在只愛Vincy，向女友大派定心丸。Edison透露明年將投資千萬在香港、內地、台灣和澳門開時裝店，甚有野心。
陳冠希、熊黛林、LisaS.、陳嘉容和吳嘉龍昨日在澳門威尼斯人渡假村出席Hogan專門店開幕，不少自由行旅客知道Edison將會出現，一早在舖頭門外等睇明星。Edison在保安陪同下亮相，表現友善，並向圍觀者微笑，其後他獲安排和一眾高大模特兒合照時，身材相對矮小的他笑得有些尷尬。
「好sexy好靚」
問Edison會否介意女友高過自己？他說：「我好多朋友都高過我，女友高過我都冇乜問題，高大嘅model畀我嘅感覺好sexy好靚，如果係幾年前都有機會發展嘅，不過我𠵱家鍾意我女友嘅類型多啲。」一提到女友Vincy，Edison即一副冧樣。
Edison透露將會去澳門開時裝店，他說：「我舖頭Juice嘅官方網站，瀏覽嘅網友佔咗10%係澳門人，所以我有一定信心。出年我會投資千萬，喺四個地方包括香港、內地、台灣同澳門開舖頭。」問Edison搵2,000萬美元（約1.6億港元）的大計何時可達成？他表示沒這麼快，不過一切在計劃中，相信一年後會知進展。
熊黛林指Edison是陽光男孩，做朋友可以，但做男友則不夠成熟，她說：「我出嚟做事八年，又自己一個人住，都係鍾意成熟啲嘅男士。」問她男友比自己大十多年是否沒問題？她說：「年紀大唔大、高同矮都冇所謂，最緊要感覺好。」問郭富城給她的感覺是否很好？她說：「都係㗎，佢好好人。」
熊黛林撐城城
熊黛林表示來港後從未看過演唱會，但她表示會去看城城的個唱，問她可會入後台探城城？她甜笑說：「唔可以咁打擾人哋嘅。」
採訪、攝影：馬建華
