《蘋果開倉》頭條心水近期竟成明燈，上仗對紐卡素上盤信心足，主場卻被老樸大炒，自己也輸得莫名奇妙；今次貼士覆蓋3天，進取又可保本，希望打破悶局。重心選狼隊擒班士利，以及阿仙奴大炒雷丁。
班士利作客唔識踢
自己近期下注英冠非常謹慎，始終參賽隊數多，賽程密，形成混戰；今日11場波獨選有3倍嘅狼隊「讓球主客和」嘅「主勝」，1：這支目前排第6嘅升班熱門，主場向來強橫，近3戰主場對目前排前列嘅布里斯托城、查爾頓及高雲地利，獲得2勝1和；2：近期賽程險峻致3戰不勝，換來今場不俗賠率，冷敲輸了心情也不太壞；3：就算有威爾斯小將射手安廸基奧治因傷缺陣，相信保夫萊特及伊斯活特亦夠火力攻堅；4：對手班士利屬「地頭蟲」，上仗贏黑池靠以寡敵眾，今次勢難避過客場3連敗。但自知近期當黑，所以補1注「總入球」2、3球，跨兩日串雷丁迎阿仙奴演「大」騷。
阿仙奴作客照打「雷」
其實足智彩周末逾百場波，自問最有信心反而係周一直播大戰，阿仙奴可大炒擁豆腐防線嘅雷丁；大家可質疑雷丁今季主場其實表現不俗，近3戰更錄得全勝；但其實手下敗將只係作客例腳軟嘅紐卡素，以及魚腩韋根及打比郡。始終雷丁今季有薛維爾轉「車」，中場攔截力大減；加上中堅杜比利成大缺口，相信艾廸巴約又可回復射手本色。最重要係阿仙奴主力喺周中歐聯幾近全部豹隱，今場比賽更安排在周一踢，休息必然足夠，法比加斯大可高呼：「我來也」！
另外，最好賭嘅荷甲，應該係兩支冇歐洲盃賽踢強隊飛燕諾鬥阿積士，馬會只開2.5球，鬥攻下開3球以上唔難，1.57倍穩執。
近5場往績：輸走輸輸輸
蘋果波神
股市大旺，英超盛世，大家齊來贏多啲！