崔建邦（左）噚日喺旺角做司儀嗰陣，講起梁思浩話陳志雲（右）人紅先至會收到刀片信嘅事，佢第一個反應就話：「咁又唔見曾蔭權收到。」但係佢相信思浩唔係幸災樂禍。崔建邦話有打電話慰問陳志雲，佢仲講笑話介紹殺手畀志雲追查係邊個人嘅惡作劇。崔建邦仲話早排單拖上陳志雲屋企係傾公事，以前都有試過同其他工作人員一齊上去。