9/11/07.....
天晴
最新動態
皇聯盃押後下年再踢，各地2線聯賽喺本月紛紛收爐過冬，足智彩大員當然唔放過任何開盤機會，上周中天皇盃第４圈補賽，送上大阪飛腳對三九唔識七嘅乙組山形山神，結果1.11倍W泡湯「益」波友；你濫開大把人濫賭，點解唔開埋電視直播緊嘅沙灘足球世界盃？
好嘞，做得莊，少波踢自然要諗吓點增加場數，但係禮拜六竟然又開咗十幾二十場英足盃首圈賽事，同英超英冠撞正開波時間，又幾多人真係會有時間，刨吓譯名古靈精怪嘅巴羅同艾川查姆嘅賽績；反而今晚場足總盃獨腳戲，注目程度就一定高過德甲直播，由昔日英超強豪、𠵱家淪落到甲組嘅列斯聯作客乙組赫里福特聯。
想起列斯聯，記得多年前喺該隊效力嘅里奧費廸南、阿倫史密夫、基維爾同維度卡踢歐聯大戰華倫，現在星散，只剩韋斯仔做領隊獨撐！點解？因為打開馬會網頁竟全無該隊現役球員資料，店大欺客，又一例證。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報