金像導演李安執導嗰套《色，戒》，前日喺韓國上映。雖然電影喺當地被列為只准18歲以上人士觀看，而且又因為片長成兩個幾鐘，戲院每日只能夠上映四場。不過《色》片第一日就吸引咗3萬8千人捧場，而且仲喺周末預售榜暫時佔據No.1，所以發行商好有信心電影會喺當地大賣，仲估計埋單會有過百萬入場人次㖭。