「彈珠人」讀書時最怕書包重，所以要每日執書包，不過就大頭蝦經常帶漏書被老師罰。現在的小學生有父母或傭人代拿書包，令我羨慕不已，但原來幸福背後，也有家長要留意的隱憂。
嚴禁工人幫手
「des1971」被孩子考起，「佢今日突然問我，點解個個小朋友都唔使拎書包，佢要自己揹。我話書包係你嘅，入面啲書係你用，點解要人幫你拎呢？佢又問，點解其他小朋友又要媽媽姐姐幫佢拎，我都唔知點答佢！無理由話人哋懶㗎！」
「v-square」回應：「我係嚴禁工人幫佢哋拎書包㗎！」「木馬」說家長過份溺愛孩子，「見過有媽咪幫讀中三嘅仔揹書包！」
「kitbebe」很無奈，「𠵱家啲細路好醒，上年阿女高班，試過叫佢自己拎書包，行唔夠一分鐘，佢觀察到周圍嘅同學唔使自己拎，你話點講得佢聽自己拎？」「大眼肥妹」的囡囡倒很乖巧，「上年K1已自動自覺揹書包，有時想幫手，佢都非常堅定咁拒絕，咁都好，可以培養小朋友唔好乜都依賴人嘅態度。」
http://forum.baby-kingdom.com/viewthread.php?tid=1193430&extra=page%3D1